வெளிநாடு வாழ் இந்தியர்களுக்கு இந்திய அரசின் விருதுகள்

பல்வேறு துறைகளில் சாதனை புரிந்த வெளிநாடு வாழ் இந்தியர்களுக்கு இந்திய அரசு விருதுகளை அறிவித்துள்ளது.

இந்தியாவிலும் வெளிநாட்டிலும் செய்த சிறந்த சாதனைகளுக்காக வழங்கப்படும் பிரவாசி பாரதிய சம்மான் விருதுகளுக்கு (Pravasi Bharatiya Samman Awards) வெளிநாடுகளில் வசிக்கும் 27 இந்தியர்கள் இந்திய அரசாங்கத்தால் தேர்வு செய்யப்பட்டுள்ளனர்.

வெளிநாடுகளில் வாழும் மற்றும் இந்திய வம்சாவழி இந்தியர்களின் சாதனைகளை போற்றும் வகையில் இந்திய அரசு விருதுகள் வழங்கி கெளரவப்படுத்தி வருகிறது. அதன்படி, 27 வெளிநாடு வாழ் இந்தியர்கள் பிரவாசி பாரதிய சம்மான் விருதுகளைப் பெற தேர்ந்தெடுக்கப்பட்டுள்ளனர். அவர்களுக்கு, ஜனவரி 8 முதல் 10 வரை மத்தியப் பிரதேசத்தின் இந்தூரில் நடைபெறும் 17வது பிரவாசி பாரதிய விழாவில் குடியரசுத் தலைவர் திரௌபதி முர்மு விருதுகளை வழங்கி கௌரவிப்பார்.

வெளிநாடு வாழ் இந்தியர்கள் (NRIs), இந்திய வம்சாவளியைச் சேர்ந்தவர்கள் (PIOs) அல்லது அவர்களால் நிறுவப்பட்டு நடத்தப்படும் நிறுவனங்கள்/அமைப்புகளுக்கும் இவ்விருது வழங்கப்படுகிறது. வெளிநாடு வாழ் இந்தியர்களுக்கு வழங்கப்படும் உயரிய விருதுகளாக இவ்விருதுகள் பார்க்கப்படுகிறது.

விருதுக்கு  தேர்ந்தெடுக்கப்பட்டுள்ளவர்களின் பட்டியல்