உறவுப்பெண்கள் இருவரை பாலியல் ரீதியாக துன்புறுத்தியதாக அறுபது வயது நபருக்கு ஆன்சி (Annecy) நீதிமன்றம் (Haute-Savoie) திங்கள்கிழமை தண்டனை விதித்தது.
இச்சம்பவங்கள் 1997 மற்றும் 1999 க்கு இடையில் Rumilly-யிலும், 2005 மற்றும் 2006 க்கு இடையில் Vaulx-லும் நிகழ்ந்தன. இதில் பாதிக்கப்பட்டவர்கள் இரண்டு சகோதரிகள். அவர்களுக்கு அந்த துன்புறுத்தல்கள் தற்போது சரிவர நினைவில் இல்லை என்று கூறப்படுகிறது.
குற்றஞ்சாட்டப்பட்டவர் குற்றச்சாட்டை தொடர்ந்து மறுத்து வந்தாலும், சான்றுகளின் அடிப்படையில் 60 வயதான அவருக்கு 3 ஆண்டுகள் சிறைத்தண்டனை விதித்து தீர்ப்பு வழங்கப்பட்டது. பாதிக்கப்பட்டவர்களைத் தொடர்புகொள்ள அவர் தடைசெய்யப்பட்டுள்ளார், மேலும், நீதித்துறையின் பாலியல் அல்லது வன்முறைக் குற்றங்களில் ஈடுபடுபவர்களின் கோப்பில் அவரது பெயர் உள்ளிடப்படும் என்று தெரிவிக்கப்பட்டுள்ளது.
