நேற்று முன்தினம் சீட் பெல்ட் அணியாமல் காரில் பயணித்ததற்காக பிரிட்டன் பிரதமர் ரிஷி சுனக்கிற்கு அபராதம் விதிக்கப்பட்டது.
தனது இன்ஸ்டாகிராம் கணக்கில் வெளியிடப்பட்ட அந்த வீடியோவில், பிரிட்டன் பிரதமர் ரிஷி சுனக் இங்கிலாந்தின் வடக்கே உள்ள லங்காஷயருக்குச் செல்லும்போது, சீட் பெல்ட் அணியாமல் காரின் பின்புறத்தில் அமர்ந்து மாகாண மறுசீரமைப்புக் கொள்கையை உற்சாகமாக விவாதிக்கிறார்.
இதைக்கண்டதும் சமூக ஊடகங்களில் விமர்சனங்கள் பெருகத்துவங்கின. லங்காஷயர் காவல்துறையினர் ‘லங்காஷயரில் ஓடும் காரில் பயணிக்கும்போது ஒரு நபர் சீட் பெல்ட் அணியாத வீடியோ சமூக ஊடகங்களில் வெளியானதைத் தொடர்ந்து, லண்டனைச் சேர்ந்த 42 வயது நபருக்கு அபராதம் விதிக்கப்பட்டுள்ளது’’ என்று தெரிவித்துள்ளனர்.
பிரதமர் “இது ஒரு தவறு என்பதை முழுமையாக ஒப்புக்கொண்டு மன்னிப்பு கோரியுள்ளார” என பிரதமர் அலுவலக செய்தித்தொடர்பாளர் தெரிவித்துள்ளார்.
பிபிசியின் கூற்றுப்படி, காரில் பயணிக்கும்போது சீட் பெல்ட் அணியாததற்கான அபராதம் £ 100 (€ 114.2) . வழக்கு நீதிமன்றத்திற்குச் சென்றால் £ 500 (€ 571) வரை விதிக்கப்படும்.
ரிஷி சுனக்கிற்கு அபராதம் விதிக்கப்படுவது இது முதல் முறை அல்ல.போரிஸ் ஜான்சனின் நிதியமைச்சராக இருந்தபோது, கொரோனா எதிர்ப்பு விதிகளை மீறி, ‘பார்ட்டிகேட்’ ஊழல் என்று அழைக்கப்படும், பிரதமரின் பிறந்த நாளன்று பேரணியில் கலந்து கொண்டதற்காக அவருக்கு அபராதம் விதிக்கப்பட்டது குறிப்பிடத்தக்கது.
