பிரான்ஸ் நாட்டைப் பொறுத்தவரை பாதுகாப்பு (Security) என்பது எப்போதும் மிக முக்கியமான அரசியல் விவகாரமாகும். 2026-ன் தொடக்கத்தில் வெளியாகியுள்ள புள்ளி விவரங்கள் மற்றும் காவல் துறையின் சமீபத்திய நடவடிக்கைகள் பிரான்ஸ் மக்களிடையே பெரும் விவாதத்தை ஏற்படுத்தியுள்ளன.
4 மில்லியன் குற்றங்கள் – 2025-ன் அதிர்ச்சி அறிக்கை
பிரான்ஸ் உள்துறை அமைச்சகம் மற்றும் முன்னணி செய்தி நிறுவனங்கள் வெளியிட்ட தரவுகளின்படி, கடந்த 2025-ம் ஆண்டில் மட்டும் பிரான்ஸில் 4 மில்லியனுக்கும் அதிகமான குற்றங்கள் மற்றும் சிறுதவறுகள் (Crimes et Délits) பதிவாகியுள்ளன. இது நாட்டின் ஒட்டுமொத்தப் பாதுகாப்பு குறித்துப் பல கேள்விகளை எழுப்பியுள்ளது. குறிப்பாகத் திருட்டு, இணையவழிக் குற்றங்கள் (Cybercrimes) மற்றும் சமூக விரோதச் செயல்கள் அதிகரித்துள்ளதே இந்த மாபெரும் எண்ணிக்கைக்குக் காரணம் எனச் சுட்டிக்காட்டப்பட்டுள்ளது.
மார்ச் 2026: பல மில்லியன் யூரோ கடல்வாழ் உயிரினக் கடத்தல் முறியடிப்பு!
சற்று ஆறுதல் தரும் செய்தியாக, கடந்த வாரம் (மார்ச் 12, 2026) பிரான்ஸ் காவல்துறை மற்றும் ஐரோப்பிய காவல் குழுக்கள் இணைந்து ஒரு மாபெரும் சர்வதேசக் கடத்தல் வலையை முறியடித்துள்ளன. ஆசிய நாடுகளுக்கு (குறிப்பாக சீனாவிற்கு) பல மில்லியன் யூரோக்கள் மதிப்பில் அரிய வகை ‘ஐரோப்பிய விலாங்கு மீன்களை’ (European Eels – Anguilla anguilla) சட்டவிரோதமாகக் கடத்திய முக்கியக் குற்றவாளிகள் பிரான்ஸில் கைது செய்யப்பட்டனர். இதில் ஒரு குற்றவாளிக்கு மட்டும் 1,00,000 யூரோக்கள் (சுமார் 90 லட்சம் ரூபாய்) பிணைத் தொகையாக விதிக்கப்பட்டுள்ளது. இது ஐரோப்பியக் கடத்தல் தடுப்பு வரலாற்றில் ஒரு முக்கிய மைல் ல்லாகும்.
இன்டர்போலின் ‘ஆபரேஷன் லிபர்டெரா III’ (Operation Liberterra III)பிரான்ஸின் லியோன் (Lyon) நகரைத் தலைமையிடமாகக் கொண்ட இன்டர்போல் (Interpol) காவல்துறை, சமீபத்தில் 119 நாடுகளை ஒருங்கிணைத்து நடத்திய பிரம்மாண்ட சோதனை வேட்டையில் 3,744 பேரை அதிரடியாகக் கைது செய்துள்ளது. மனிதக் கடத்தல் மற்றும் சட்டவிரோதக் குடியேற்றத்திற்கு எதிராக நடத்தப்பட்ட இந்த நடவடிக்கையில் சட்டவிரோதமாக கடத்தப்பட்டிருந்த 4,414 பேர் மீட்கப்பட்டுள்ளனர்.
