குற்றவாளிகளை இரும்புக்கரம் கொண்டு அடக்கும் அதே வேளையில், குடிமக்கள் மற்றும் பெருநிறுவனங்களுக்கான சிவில் சட்டங்களிலும் (Civil Laws) பிரான்ஸ் அரசு பல மாற்றங்களைக் கொண்டுவந்துள்ளது.
2026-ம் ஆண்டு பிரான்ஸ் மக்களுக்குப் கொண்டு வந்துள்ள புதிய சட்ட மாற்றங்கள் :
1. புதிய மகப்பேறு விடுமுறை (New Birth Leave):
ஜூலை 1, 2026 முதல் அமலுக்கு வரும் புதிய சட்டத்தின்படி, பெற்றோர் இருவரும் தலா 2 மாதங்கள் கூடுதல் மகப்பேறு விடுமுறை எடுத்துக்கொள்ளலாம். இதற்கு நிகர ஊதியத்தில் (Net Pay) முதல் மாதம் 70% வரை உதவித்தொகை வழங்கப்படும். இது குடும்பக் கட்டமைப்பை வலுப்படுத்தும் ஒரு புரட்சிகரமான மாற்றமாகும்.
2. சிறுவர்களுக்கான சமூக ஊடகத் தடை:
15 வயதிற்குட்பட்ட சிறுவர்கள், பெற்றோரின் அனுமதியின்றி இன்ஸ்டாகிராம் அல்லது டிக்டாக் போன்ற தளங்களைப் பயன்படுத்துவதைத் தடுக்கப் புதிய சட்டம் விவாதிக்கப்பட்டு வருகிறது. இணையவழி சீண்டல்களில் (Cyberbullying) இருந்து குழந்தைகளைப் பாதுகாக்க இது அவசியமான ஒன்றாகக் கருதப்படுகிறது.
3. கடுமையான குடியுரிமைத் தேர்வுகள்:
ஜனவரி 1 முதல், பிரான்சில் நீண்ட காலக் குடியுரிமை (Residency) கோருபவர்கள் கட்டாயமாக ‘சிவில் தேர்வு’ எழுத வேண்டும். மேலும், பிரஞ்சு மொழித் திறன் தகுதி B1/B2 நிலைக்கு உயர்த்தப்பட்டுள்ளது.
1. வரலாற்றுச் சிறப்புமிக்க ‘இன்-ஹவுஸ்’ வழக்கறிஞர் சட்டம் (Law n° 2026-122): பல பத்தாண்டுகளாக பிரான்ஸ் கார்ப்பரேட் உலகில் விவாதிக்கப்பட்டு வந்த ஒரு சட்டம், நீண்ட சட்டப்போராட்டத்திற்குப் பிறகு கடந்த பிப்ரவரி 23, 2026 அன்று அதிகாரப்பூர்வமாக அமலுக்கு வந்துள்ளது. அந்த சட்டத்தின் பெயர் “இன்-ஹவுஸ் வழக்கறிஞர்களின் ரகசியக் காப்புச் சட்டம்” (In-house Legal Privilege Law).
இதுவரை, பிரான்ஸில் பெருநிறுவனங்களுக்குள் பணிபுரியும் சட்ட ஆலோசகர்களின் (In-house counsel) ஆலோசனைகளுக்குப் பிரிட்டன் அல்லது அமெரிக்காவைப் போலச் சட்டப்பூர்வ ரகசியக் காப்பு (Legal Privilege) கிடையாது. இது பிரான்ஸ் நிறுவனங்களுக்குப் சர்வதேச அளவில் பெரும் பின்னடைவாக இருந்தது. ஆனால் புதிய 2026 சட்டத்தின்படி, முறையான தகுதி பெற்ற நிறுவன வழக்கறிஞர்கள் வழங்கும் ஆலோசனைகளுக்கு சிவில் மற்றும் நிர்வாக வழக்குகளில் முழுமையான ரகசியக் காப்பு வழங்கப்பட்டுள்ளது. பிரான்ஸ் வர்த்தக மற்றும் சிவில் சட்ட வரலாற்றில் இது ஒரு ‘மாஸ்டர் ஸ்ட்ரோக்’ (Masterstroke) என வல்லுநர்கள் கூறுகிறார்கள்!
2. குடியுரிமை கோருவோருக்கான கட்டாய ‘சிவில் தேர்வு’ (Mandatory Civic Exam): பிரான்ஸில் வாழும் வெளிநாட்டவர்களுக்கு மிகவும் முக்கியமான செய்தி இது. ஜனவரி 1, 2026 முதல் அமலுக்கு வந்துள்ள புதிய சட்டத்தின்படி, பிரான்சில் நீண்டகாலக் குடியுரிமை (Carte de séjour pluriannuelle) அல்லது நிரந்தரக் குடியுரிமை (Naturalisation) கோரும் வெளிநாட்டவர்கள் அனைவரும் கட்டாயமாக ‘சிவில் தேர்வில்’ (Examen Civique) தேர்ச்சி பெற வேண்டும்.
பிரான்ஸ் குடியரசின் அடிப்படை மதிப்புகள், பிரஞ்சு மொழித் திறன் மற்றும் சமூகப் பொறுப்புகளை வெளிநாட்டவர்கள் முழுமையாகப் புரிந்துகொள்வதை உறுதி செய்யவே இந்த புதிய சட்டம் அமல்படுத்தப்பட்டுள்ளது. இதற்காகப் பிரத்யேகமாக 222 கருப்பொருள் வழிகாட்டிகளைக் (Thematic guides) கொண்ட புதிய பயிற்சி இணையதளத்தையும் உள்துறை அமைச்சகம் திறந்துள்ளது.
பிரான்ஸ் நாட்டைப் பொறுத்தவரை ஒருபுறம் சமூகப் பாதுகாப்பை உறுதிப்படுத்திக் கொண்டே, மறுபுறம் வர்த்தக மற்றும் சமூக ஒருங்கிணைப்புச் சட்டங்களில் தன்னை மிக வேகமாக நவீனப்படுத்தி வருகிறது பிரான்ஸ்!
